Şivanê wan Erdogan e

Li Başûrê Kurdistanê zêdetirî du hefte ne çalakiyên gel hene. Ev çalakî li dijî desthilatdariyê pêk tên. Xelk li dijî pergala xerab rabûye ser piyan. Yanî ew pergala ku azadî, edalet û hiqûq têde tineye. Erê raste qeyranek aborî heye, lê di esasê xwe de gelek sedemên din hene. Ji ber ku siyasetek şaş tê meşandin gel birçî tê hiştin. Rêveberiya ku li ser desthilatdariyê ye nêzî 30 sal in heman kes in. Hilbijartin çêdibin, lê dîsa heman kes tên hilbijartin. Niha hunê bêjin eger xelk ji vê desthilatdariyê nerazî be çima wan hildibijêre ? Hilbijartina li başûrê welêt jî dişibe ya Tirkiyê. Yanî bi hîle û sextekariyan pêk tê. Eger ne wilo ba ew kes ewqasî li ser desthilatdariyê nediman. Li devereke ku demokrasî hebe ma çawa dibe heman kes 30 salan li ser desthilatdariyê bimînin.

Îro em nikarin li Başûr qala hukûmetekê bikin. Rêveberina herêmê di destê malbatekê û derdora wê de ye. Serokê herêmê û serokwezîrê wê ji heman malbatê ne. Saziyên girêdayî wan jî ji aliyê malbatê ve tên rêvebirin. Ev malbata ku em qala wê dikin malbata Barzanî ye. Herêm di destê vê malbatê de ye û qanûn jî di destê wan de ye. Çawa bixwazin wilo dikin. Ji ber vê yekê ye têkiliya wan bi Dewleta Tirk ango Erdogan re ewqasî xweş û bêş e. Erdogan jî heman tiştî li Tirkiyê dike. Lewma malbata Barzanî û Erdogan li ser berjewendiyên xwe têkiliyan dimeşînin. Tiştekî ku Erdogan bide Tirkiyê tine ye. Heta niha tenê zilm û zordarî daye xelkê. Li Başûr jî ev yek heye.

Desthilatdariya li Başûr li ser çavkaniyeke dewlemend rûniştiye. Petrola ku ji Başûr derdikeve hed û hesabê wê tineye. Lê piraniya wê petrolê bi awayekî veşartî difroşin Tirkiyê. Rewşeke bi vî rengî heye û li aliyê din xelk birçî ye. Pereyên ku dikevin bêrîka malbata Barzanî dikare debara tevahiya Kurdistanê bike. Di rewşeke wiha de destê xwe li ber hukûmeta Iraqê vedikin û dibêjin alîkariya me bike. Beriya bi çend salan Iraqê eşkere kir ku li Başûrê Kurdistanê 600 hezar kesên ku kar nakin hene, lê dîsa jî mûçeyên xwe digrin. Û dibe ku ev kes tinebin jî. Kesên naxebitin pereyan distînin, lê kesên dixebitin pere nastînin. Ev çend mînakên biçûk in ku em behsa wan dikin. Lê li ser diziya tê kirin bi hezaran mînak hene.

Li Başûrê Kurdistanê hatineke zêde heye û dîsa jî gel birçî ye. Ewqas berhemên xwemalî hene, lê ji bo pêşxistin û dewlemendkirina wan tiştek nehatiye kirin. Hema bêjin her tişt ji derve diçe Başûr. Piranî jî ji Tirkiyê diçin. Bi sedan fîrmayên Tirkan li Başûr hene û dîsa mal û milkên Tirkan li wir tên firotin. Ji ber vê siyaseta şaş karsazên Tirkan dewlemend kirin. Gel jî vê yekê dibîne û li dijî vê neheqiyê serî hildide.

Xwepêşandanên li Başûr zêdetirî du hefteyan girseyî pêk hatin. Di serî de Silêmanî û derdora wê ango deverên di bin rêveberiya YNK'ê de çalakî lê zêde bûn. Lê li deverên PDK'ê destûra çalakiyan nehat dayîn. Ji ber ku li wan deveran bi temamî faşîzm heye. Destûr nadin kes dengê xwe derxe. Kesên diaxivin têne binçavkirin, girtin û revandin. Wexta ku çalakiyan dewam dikir ango beriya bi hefteyekê serokwezîrê herêma Kurdistanê Mesrûr Barzanî ji çapemeniyê re axivî. Min lê guhdar kir û min ji axaftina wî fêm kir ku wê li dijî çalakgeran rêbazên Erdogan bi kar bînin. Yanî ji bo tepisandina çalakiyan wê serî li rêbazên qirêj bidin. Wilo jî kirin. Di êrişan de 10 çalakger hatin kuştin. Bi sedan birîndar û binçavkirî hene. Ji bo ku rojevê biguherîne Mesrûr Barzanî got li pişt bûyerên şîdetê PKK heye. Dîsa ji bo ku PKK'ê bike hedef diyar kir ku hê jî li Şengalê ne. Bi vî rengî rojev guhert û piştî daxuyaniyên wî çekdarên PDK'ê êrişî gerîlayên HPG'ê kirin.

Dibe ku îro xwepêşandan sekinî bin, lê xelk di nava xwe de dikele û dişewite. Lê çi dikin bila bikin wê nikaribin pêşî li nerazîbûnên gel bigrin. Piraniya xelkê dizanin ku ev desthilatdarî nikare herêmê bi rêve bibe. Her kesî dizî û talana vê desthilatdariyê dîtiye. Erê em qala Başûrê Kurdistanê dikin. Xwezka rêveberiyek baş hebûya û em pê serbilind bûna. Xwezka demokrasî, mafê mirovan û azadî hebûya û me li ser nûçe çêkiribana. Xwezka me qala pergala wekhev û edaletê kiriba. Lê mixabin tineye. Gotineke pêşiyan heye; dibêjin Şivanê me Silo be, wê xwarina me çilo be. Îca şivanê wan jî Erdogan e.

Aslan ASLAN

https://kurmanci.ozgurpolitika.com/nuceya-sivane-wan-erdogan-e-8310

Yorumlar

Yorum Gönder

Bu blogdaki popüler yayınlar

Çend Kurdistan hene?

Resim
Di van rojan de li cîhanê çend bûyerên girîng qewimîn. Li Emerîkayê hilbijartin pêk hat, li Fransa û Awûstûryayê çeteyên Erdogan komkujî kirin. Ev herdu mijar jî Kurdan eleqedar dikin. Lê ya ku yekser bi Kurdan re têkildar e daxuyanî û kirinên PDK'ê ne. Beriya bi 3 rojan serokê PDK'ê Mesûd Barzanî daxuyaniyek da û PKK wekî hêzeke dagirker bi nav kir. PDK'ê jî di daxuyaniya xwe ya dawî de êrişî Hevseroka Konseya Rêveber a KCK'ê Besê Hozat kir. Li vê derê dixwazim tespîteke ku Besê Hozat ji bo PDK'ê kiriye bêjim. Besê Hozat dibêje pirsgirêka heyî di navbera PDK'ê û Kurdan de ye. Ev tespîteke ku bala min kişand û dixwazim ji wê derê werim. Di van salên dawî de daxuyanî û axaftinên rayedarên PDK'ê li ser PKK'ê zêde bûn. Beriya bi çend mehan Serokê Hukûmeta herêma Kurdistanê Nêçîrvan Barzanî diyar kir ku divê PKK ji başûrê Kurdistanê derkeve û biçe bakurê Kurdistanê. Bakurê Kurdistanê jî wekî Kurdistana Bakur bi nav dike. Yanî devera ku ew lê ye Kurdistan e û...
Devamı

Parsekî

Resim
Li Tirkiyê qeyraneke aborî, siyasî û civakî heye. Lê ya ku herî zêde dikeve rojevê qeyrana aborî ye. Ji bo ku em zanibin ev qeyran ji ku derê tê divê em li sedemên wê binêrin. Ya destpêkê ji ber polîtîkayên şer ên Dewleta Tirk e. Erdogan berê xwe daye Iraq, Sûrî, Lîbya û Ermenistanê û çeteyên xwe yên kirêkirî dişîne van deveran. Ji bo xwedîkirina van çeteyan jî pereyekî zêde lazim e. Ev pere jî ji bêrîka gel derdikeve û diçe ji çeteyan re. Lê niha di bêrîka gel de jî tiştek nemaye, lewma di van rojan de ti qîmeta lîrayê Tirk nemaye. Mesela di sala 2014'an de ku wê demê destpêka derketina çeteyan bû lêçûnên Artêşa Tirk 50 milyar bû. Ji wê demê heta niha ev butçe derket 200 milyarî. Dema ku Erdogan berê xwe da Sûrî çeteyên kirêkirî amade kirin. Li gorî agahiyan Erdogan pereyan dide 35 hezar çeteyan. Her meh 300 dolarî dide çeteyekî. Dema ku ev çete tên kuştin jî pere didin malbatên wan. Bi vî rengî her tim di destê Erdogan de çete hene û wan dişîne deverên ku dixwaze dagir bike. Li a...
Devamı

Niha dema wê ye

Resim
Bi fermana serokomarê Tirk Erdogan, di 1'ê Çileyê 2021'ê de li çar zanîngehên Tirkiyê qeyûmên AKP'ê wekî rektor hatin bicihkirin. Ango çar zanîngeh hatin dagirkirin. Yek ji wan zanîngehan jî ya Bogazîçî ye. Lewma jî ji serê salê û vir ve li zanîngeha Bogazîçî ya Stenbolê çalakiyên xwendekaran hene. Xwendekarên li zanîngehê li dijî qeyûmê AKP'ê rabûne ser piyan. Ev çalakî heta niha jî dewam dikin û li gelek bajarên Tirkiyê jî belav bûne. Tirsa desthilatdariya AKP-MHP'ê jî ew e ku ev nerazîbûn bibe wekî ya dema berxwedana Geziyê. Ji ber ku gelek hunermend, rewşenbîr û kesayetên navdar ên Tirkiyê jî nerazîbûna xwe li dijî qeyûmê AKP'ê tînin ziman û piştgirîiyê didin çalakiyên xwendekaran. Rektorê ku zanîngeh dagir kiriye, navê wî Melîh Bûlû ye. Eger em li kesayeta wî binêrin zilamê Erdogan e. Ji sala 2002’yan û vir ve bi AKP'ê re dixebite. Di wê salê de li Stenbolê di avakirina navendên AKP'ê de cih girtiye. Di sala 2009'an de xwe kir bernamzetê şaredar...
Devamı