Em jî bibin perçeyek ji berxwedanê

Girtiyên siyasî yên li girtîgehên Tirkiyê di 27'ê Mijdarê de dest bi greva birçîbûnê kirin. Daxwaza wan jî vê carê bi temamî azadiya Rêber Apo ye. Çalakiya girtiyan herî dawî beriya bi 2 salan di vî wextî de bû. Wê demê jî li dijî tecrîdê ketibûn greva birçîbûnê û rojiya mirinê. Di encama vê berxwedanê de bi awayekî qismî be jî tecrîd bi dawî bû. Wê demê girtiyan gotibû ewê dev ji çalakiyê bernedin, dibe ku dîsa tecrîd dewam bike. Tişta ku girtiyan gotibû rast derket. Ji bo demekê tecrîd rakirin ango çend hevdîtin çêbûn û dîsa tecrîdê dewam kir. Niha jî girtî ketine ser heman riyê. Girtiyên siyasî kom bi kom ketine greva birçîbûnê û bi awayekî dorveger vê çalakiyê bi rêve dibin.

Di rewşeke wiha zor û zehmet de girtiyên siyasî biryara çalakiyê dan. Yek ji sedema zehmetiyê jî nexweşiya vîrusa korona ye. Îro li Tirkiyê her roj bi sedan kes ji ber nexweşiyê jiyana xwe ji dest didin û deh hezaran kes nexweş dikevin. Îca bifikirin kesên li derve ku derfetên wan ên doktor û nexweşxaneyan hene nexweş dikevin. Di rewşekê de ku girtiyên nexweş jî nayên dermankirin wê nexweşiya vîrusa korona encameke çawa bi xwe re bîne. Girtiyên siyasî her tişt dan ber çavê xwe û serî li berxwedanê dan. Ew dizanin ku faşîzma AKP-MHP'ê ji vîrusa korona dijwartir e. Lewma her roj agahiyên zilmê ji girtîgehan tên. Di nava vê salê de 49 cenaze ji girtîgehan derketin. Her wiha 600 girtiyên nexweş ku rewşa wan giran hene û li ber mirinê ne. Raporên wan ên saziya tiba edlî hene û divê werin berdan. Lê tevî vê yekê jî nayên berdan. Dev ji berdana wan berdin, wan derman nakin û nabin nexweşxaneyan. Dewleteke ewqasî xedare ku heta girtiyan nekuje bernade.

Bi sedan girtiyên nexweş hene û zêdetirî 20 sal in di girtîgehê de ne. Dîsa bi dehan girtiyên nexweş hene ku temenê wan di ser 80'yî re ye. Lê tevî vê yekê jî nayên berdan. Gelek girtî hene ku bi tena serê xwe nikarin pêdiviyên xwe bi cih bînin, lê bi zanebûn wan kesan tavêjin hucreyên yek kesî. Yanî wan tecrîd dikin. Jixwe li gelek girtîgehan pirtûk, rojname û name qedexe ne. Girtî nikarin li radyoyan guhdarî bikin û televizyon jî tenê kanalên AKP'ê ne. Tenê bi hevdîtinan û riya telefonê girtî agahiyan digrin. Wekî din ti derfetên wan nemaye. Di rewşeke wiha de jî nexweşiya korona li girtîgehan belav bû. An jî mirov kare bêje vîrus bi destê Dewletê tê belavkirin.

Di vê pêvajoyê de desthilatdariya AKP-MHP'ê nexweşiya korona ji xwe re kirin hincet û bi hezaran endam, alîgir, çete, kujer û mafya ji girtîgehan derxistin derve. Ew kes niha jî li derve sûcên xwe dewam dikin. Lê kesên ji ber fikir û ramanên xwe hê jî girtî ne. Girtiyên siyasî dîtin ku ev desthilatdarî ji bo zordariyê ye, lewma jî li dijî zordariyê riya berxwedanê hilbijartin. Ew dizanin ku eger tecrîdkirina Rêber Apo bi dawî bibe wê her kes têkeve rehetiyê. Ji ber ku tecrîdê li Îmraliyê dest pê kir û îro li tevahiya girtîgehên Tirkiyê belav bûye. Îca ne tenê li girtîgehan, civak jî di heman rewşê de ye. Tişta ku li girtîgehan dibe heman rewş li derve jî heye.

Îro li Tirkiyê 355 girtîgeh hene û li wan girtîgehan zêdetirî 282 hezar girtî tên ragirtin. Ev hejmareke pir zêde ye. Lewma eger em li deh sal berê binerin ango sala 2010'an li Tirkiyê 120 hezar kes girtî bûn. Ev hejmar qat bi qat zêde bû. Ji dema ku AKP'ê rewşa awarte ragihandiye û vir ve zêdetirî 10 hezar endam û rêveberên HDP'ê hatin girtin. Çi kesê ku rexneyek li rejîma faşîst kiribe tavêjin girtîgehan. Wan kesan jî bi hezaran kîlometre dûrî malbatên wan dixin. Yanî êşkenceyek dûalî. Bi vî rengî malbatên wan jî ceza dikin.

Berxwedana ku îro girtiyên siyasî daye dest pê kirin ji bo her kesî ye. Çawa ku em dibêjin tecrîd li ser tevahiya civakê heye, ev berxwedan jî ya her kesî ye. Lewma divê her kes bibe perçeyek ji berxwedana li girtîgehan. Di her tengasiyê de berxwedana ji girtîgehan deriyek li ronahiyê vekir. Girtiyên siyasî di wan şert û mercan de li ber xwe didin. Di nava lepên faşîzmê de bedena xwe birçî dihêlin û li ber xwe didin. Ma li derve çima nebe ! Li derve jî tiştên em bikin hene. Em jî karin bibin perçeyek ji berxwedana girtîgehan.

Aslan ASLAN

https://kurmanci.ozgurpolitika.com/nuceya-em-ji-bibin-perceyek-ji-berxwedane-8006

Yorumlar

Yorum Gönder

Bu blogdaki popüler yayınlar

Çend Kurdistan hene?

Resim
Di van rojan de li cîhanê çend bûyerên girîng qewimîn. Li Emerîkayê hilbijartin pêk hat, li Fransa û Awûstûryayê çeteyên Erdogan komkujî kirin. Ev herdu mijar jî Kurdan eleqedar dikin. Lê ya ku yekser bi Kurdan re têkildar e daxuyanî û kirinên PDK'ê ne. Beriya bi 3 rojan serokê PDK'ê Mesûd Barzanî daxuyaniyek da û PKK wekî hêzeke dagirker bi nav kir. PDK'ê jî di daxuyaniya xwe ya dawî de êrişî Hevseroka Konseya Rêveber a KCK'ê Besê Hozat kir. Li vê derê dixwazim tespîteke ku Besê Hozat ji bo PDK'ê kiriye bêjim. Besê Hozat dibêje pirsgirêka heyî di navbera PDK'ê û Kurdan de ye. Ev tespîteke ku bala min kişand û dixwazim ji wê derê werim. Di van salên dawî de daxuyanî û axaftinên rayedarên PDK'ê li ser PKK'ê zêde bûn. Beriya bi çend mehan Serokê Hukûmeta herêma Kurdistanê Nêçîrvan Barzanî diyar kir ku divê PKK ji başûrê Kurdistanê derkeve û biçe bakurê Kurdistanê. Bakurê Kurdistanê jî wekî Kurdistana Bakur bi nav dike. Yanî devera ku ew lê ye Kurdistan e û...
Devamı

Parsekî

Resim
Li Tirkiyê qeyraneke aborî, siyasî û civakî heye. Lê ya ku herî zêde dikeve rojevê qeyrana aborî ye. Ji bo ku em zanibin ev qeyran ji ku derê tê divê em li sedemên wê binêrin. Ya destpêkê ji ber polîtîkayên şer ên Dewleta Tirk e. Erdogan berê xwe daye Iraq, Sûrî, Lîbya û Ermenistanê û çeteyên xwe yên kirêkirî dişîne van deveran. Ji bo xwedîkirina van çeteyan jî pereyekî zêde lazim e. Ev pere jî ji bêrîka gel derdikeve û diçe ji çeteyan re. Lê niha di bêrîka gel de jî tiştek nemaye, lewma di van rojan de ti qîmeta lîrayê Tirk nemaye. Mesela di sala 2014'an de ku wê demê destpêka derketina çeteyan bû lêçûnên Artêşa Tirk 50 milyar bû. Ji wê demê heta niha ev butçe derket 200 milyarî. Dema ku Erdogan berê xwe da Sûrî çeteyên kirêkirî amade kirin. Li gorî agahiyan Erdogan pereyan dide 35 hezar çeteyan. Her meh 300 dolarî dide çeteyekî. Dema ku ev çete tên kuştin jî pere didin malbatên wan. Bi vî rengî her tim di destê Erdogan de çete hene û wan dişîne deverên ku dixwaze dagir bike. Li a...
Devamı

Niha dema wê ye

Resim
Bi fermana serokomarê Tirk Erdogan, di 1'ê Çileyê 2021'ê de li çar zanîngehên Tirkiyê qeyûmên AKP'ê wekî rektor hatin bicihkirin. Ango çar zanîngeh hatin dagirkirin. Yek ji wan zanîngehan jî ya Bogazîçî ye. Lewma jî ji serê salê û vir ve li zanîngeha Bogazîçî ya Stenbolê çalakiyên xwendekaran hene. Xwendekarên li zanîngehê li dijî qeyûmê AKP'ê rabûne ser piyan. Ev çalakî heta niha jî dewam dikin û li gelek bajarên Tirkiyê jî belav bûne. Tirsa desthilatdariya AKP-MHP'ê jî ew e ku ev nerazîbûn bibe wekî ya dema berxwedana Geziyê. Ji ber ku gelek hunermend, rewşenbîr û kesayetên navdar ên Tirkiyê jî nerazîbûna xwe li dijî qeyûmê AKP'ê tînin ziman û piştgirîiyê didin çalakiyên xwendekaran. Rektorê ku zanîngeh dagir kiriye, navê wî Melîh Bûlû ye. Eger em li kesayeta wî binêrin zilamê Erdogan e. Ji sala 2002’yan û vir ve bi AKP'ê re dixebite. Di wê salê de li Stenbolê di avakirina navendên AKP'ê de cih girtiye. Di sala 2009'an de xwe kir bernamzetê şaredar...
Devamı