PKK pîr nabe



Beriya bi 42 salan Partiya Karkerên Kurdistan PKK hat avakirin. Damezirandina PKK'ê bi rewşa Kurd û Kurdistanê re têkildar bû. Eger em li 42 sal berê vegerin, di wê demê de navê Kurd û Kurdistanê li meydanê tine bû. Bi dehan raperîn û serhildanên Kurdan bi komkujiyan hatibûn tepisandin. Ji bo ku Kurdan tine bikin gelek komkujî hatin kirin. Li Dersim, Qoçgirî, Geliyê Zîlan, Newala Qesaba, Helebce, Roboskî û dehan bûyerên bi vî rengî. Kurd bi awayekî komî hatin qetilkirin. Pêşeng û Rêberên Kurdan hatin darvekirin û tirbên wan jî hatin tinekirin. Ji bo ku navê Kurd û Kurdistanê ji meydanê rakin dehan peymanên navnetewî çêkirin. Piştî ewqas êş û azaran kesî nema karîbû navê Kurd û Kurdistanê anîba ziman. Tam jî di wextekî wiha de PKK daket meydanê. Çend şoreşger li Enqerê hatin cem hev û ji wê derê jî berê xwe dan Kurdistanê. Pêşengê vê koma ciwanan jî Rêber Apo bû. Rêber Apo û hevalên wî yên xwendekar rewşa Kurd û Kurdistanê baş fêmkiribûn û ji bo vê qederê biguherînin ketin nava tevgerê.

Pêşî bi navê Apociyan hatin naskirin. Lê bi demê re navê PKK'ê jî li dîroka Kurdan zêde bû. Bi derketina PKK'ê re lembeyek ji Kurdan re vebû. Kurdên ku di bîr û baweriya Kurdistanê de bûn xwe nêzî PKK'ê kirin û xebitîn. Bi taybetî tevlîbûna xwendekaran zêde bû. Xwendekar, mamoste û rewşenbîran xwe nêzî PKK'ê kirin. Ji ber ku gotin û kirinên PKK'ê hev digirtin vê yekê baweriya xelkê bi tevgerê re zêdetir kir. Çend ciwanên ku temenên wan 20-25 salî bû ji bo Kurdistanê ketibûn rê û hêviyek mezin didan gel.

Dewleta Tirk ji bo ku PKK'ê tine bike kadroyên wê avêtin zindanê. Li zindanan ew qetil kirin û êşkenceyên hovanê bi serê wan de anîn. Lê ev ciwanên ku hêviyên wan ji temenê wan mezintir bû baweriyek mezin dan gel. Li zindanê serî netewandin û li çiyayan dest bi şerê çekdarî kirin. Ji bo ku heyfa dehan komkujiyan hilînin dest bi çalakiyan kirin. Kurdên ku heta wê demê nekarîbûn li dijî Dewleta Tirk dengê xwe derxînin û ji xwe direviyan vê carê jî li dijî Dewletê şer dikirin. Ji 15'ê Tebaxa 1984'an şûnde gerîla ketin nav gund û bajaran. Bi vê yekê re tevlîbûna nav refên gerîla zêde bû. Gerîlayên di şerê li dijî dagirkeriyê de şehîd dibûn ji bo wan serhildan çêbûn. Di van serhildanan de jî keç û xortên Kurd berê xwe didan çiyayên Kurdistanê.

Êdî çiyayên Kurdistanê bibû xilasiya ji zilma Dewletê. Ew çiyayên ku ji destpêka dîrokê ve bibû stargeha Kurdan. Li deşt û zozanan, li çiya û bajaran navê PKK'ê hilat. Ji bo doza Kurd û Kurdistanê şoreşgerên ku derketibûn ser rê hejmara wan gihîşt milyonan. Ji Amed heta Qamişlo, ji Mahabad heta Hewlêrê navê PKK'ê û hebûna wê hat bihîstin. Dewleta Tirk dît ku vê tevgera azadiya Kurdistanê nikare tine bike serî li Ewrûpa û Amerîkayê da. Ji bo ku PKK'ê tine bikin li Ewrûpayê li dijî xebatkarên wan dest bi komployan kirin û PKK xistin lîsteya rêxistinên terorê. Almanyayê di sala 1993'an de xebatên PKK'ê li welatê xwe qedexe kirin. Dewleta Tirk jî bi tankên Alman li Kurdistanê komkujî kirin. 4 hezar gundên Kurdan şewitandin, vala kirin û 17 hezar welatparêzên Kurd revandin û qetil kirin. Ev yek bi hevkariya Ewrûpa û Amerîkayê pêk hat. Ewrûpiyan sîleh firotin Dewleta Tirk ji bo ku Kurdan qetil bike. Ev yek hê jî dewam dike. Yek ji sebebê ku Dewleta Tirk Kurdan qetil dike ew bi xwe ne. Ji ber ku çavê xwe li qetilkirin û girtina Kurdan digrin. Rê didin Dewleta Tirk ji bo ku bajarên Kurdan dagir bike.

Dewleta Tirk û hevkarên wê rê û rêbazek nema ku li ser PKK'ê û Kurdan neceribandin. Ew li bendê bûn ku piştî dehan raperîn û serhildanên din ên Kurdan PKK jî tine bibe. Rêber Apo girtin çênebû. Sed hezaran Kurd avêtin zindanan lê dîsa jî çênebû. 50 hezar şehîdên vê dozê çêbûn lê dîsa jî têk neçû û bi dawî nebû. Rêber Apo ji bo PKK'ê digot çîrokek bê dawî ye.

Îca em ji 42 sal û şûnde li niha vegerin. Wê bê dîtin ku PKK'ê çawa rihekî şoreşgerî da Kurdan. Bi PKK'ê re Kurd fêrî berxwedanê bûn. Jin bûn îradeya esasî û Kurd jî bûn hêzeke diyarker. Di nava 42 salan de gelek kes hatin û çûn, kesên digotin emê PKK'ê biqedînin ew bi xwe qediyan. Di encamê de hat dîtin ku PKK naqede û pîr nabe. Îro jî li cîhanê tenê PKK maye ku şoreşger û enternasyonalîst xwe lê digrin û têdikoş in. Ne tenê ji bo doza Kurd û Kurdistanê, çi kesên ku doza azadiyê dikin îro li cem PKK'ê ne.

Aslan ASLAN

https://kurmanci.ozgurpolitika.com/nuceya-pkk-pir-nabe-7393/

Yorumlar

Yorum Gönder

Bu blogdaki popüler yayınlar

Çend Kurdistan hene?

Resim
Di van rojan de li cîhanê çend bûyerên girîng qewimîn. Li Emerîkayê hilbijartin pêk hat, li Fransa û Awûstûryayê çeteyên Erdogan komkujî kirin. Ev herdu mijar jî Kurdan eleqedar dikin. Lê ya ku yekser bi Kurdan re têkildar e daxuyanî û kirinên PDK'ê ne. Beriya bi 3 rojan serokê PDK'ê Mesûd Barzanî daxuyaniyek da û PKK wekî hêzeke dagirker bi nav kir. PDK'ê jî di daxuyaniya xwe ya dawî de êrişî Hevseroka Konseya Rêveber a KCK'ê Besê Hozat kir. Li vê derê dixwazim tespîteke ku Besê Hozat ji bo PDK'ê kiriye bêjim. Besê Hozat dibêje pirsgirêka heyî di navbera PDK'ê û Kurdan de ye. Ev tespîteke ku bala min kişand û dixwazim ji wê derê werim. Di van salên dawî de daxuyanî û axaftinên rayedarên PDK'ê li ser PKK'ê zêde bûn. Beriya bi çend mehan Serokê Hukûmeta herêma Kurdistanê Nêçîrvan Barzanî diyar kir ku divê PKK ji başûrê Kurdistanê derkeve û biçe bakurê Kurdistanê. Bakurê Kurdistanê jî wekî Kurdistana Bakur bi nav dike. Yanî devera ku ew lê ye Kurdistan e û...
Devamı

Parsekî

Resim
Li Tirkiyê qeyraneke aborî, siyasî û civakî heye. Lê ya ku herî zêde dikeve rojevê qeyrana aborî ye. Ji bo ku em zanibin ev qeyran ji ku derê tê divê em li sedemên wê binêrin. Ya destpêkê ji ber polîtîkayên şer ên Dewleta Tirk e. Erdogan berê xwe daye Iraq, Sûrî, Lîbya û Ermenistanê û çeteyên xwe yên kirêkirî dişîne van deveran. Ji bo xwedîkirina van çeteyan jî pereyekî zêde lazim e. Ev pere jî ji bêrîka gel derdikeve û diçe ji çeteyan re. Lê niha di bêrîka gel de jî tiştek nemaye, lewma di van rojan de ti qîmeta lîrayê Tirk nemaye. Mesela di sala 2014'an de ku wê demê destpêka derketina çeteyan bû lêçûnên Artêşa Tirk 50 milyar bû. Ji wê demê heta niha ev butçe derket 200 milyarî. Dema ku Erdogan berê xwe da Sûrî çeteyên kirêkirî amade kirin. Li gorî agahiyan Erdogan pereyan dide 35 hezar çeteyan. Her meh 300 dolarî dide çeteyekî. Dema ku ev çete tên kuştin jî pere didin malbatên wan. Bi vî rengî her tim di destê Erdogan de çete hene û wan dişîne deverên ku dixwaze dagir bike. Li a...
Devamı

Niha dema wê ye

Resim
Bi fermana serokomarê Tirk Erdogan, di 1'ê Çileyê 2021'ê de li çar zanîngehên Tirkiyê qeyûmên AKP'ê wekî rektor hatin bicihkirin. Ango çar zanîngeh hatin dagirkirin. Yek ji wan zanîngehan jî ya Bogazîçî ye. Lewma jî ji serê salê û vir ve li zanîngeha Bogazîçî ya Stenbolê çalakiyên xwendekaran hene. Xwendekarên li zanîngehê li dijî qeyûmê AKP'ê rabûne ser piyan. Ev çalakî heta niha jî dewam dikin û li gelek bajarên Tirkiyê jî belav bûne. Tirsa desthilatdariya AKP-MHP'ê jî ew e ku ev nerazîbûn bibe wekî ya dema berxwedana Geziyê. Ji ber ku gelek hunermend, rewşenbîr û kesayetên navdar ên Tirkiyê jî nerazîbûna xwe li dijî qeyûmê AKP'ê tînin ziman û piştgirîiyê didin çalakiyên xwendekaran. Rektorê ku zanîngeh dagir kiriye, navê wî Melîh Bûlû ye. Eger em li kesayeta wî binêrin zilamê Erdogan e. Ji sala 2002’yan û vir ve bi AKP'ê re dixebite. Di wê salê de li Stenbolê di avakirina navendên AKP'ê de cih girtiye. Di sala 2009'an de xwe kir bernamzetê şaredar...
Devamı